កំពត៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានអំពាវនាវដល់ប្រជាពលរដ្ឋកុំដឹកលើសទំងន់ និងបើកល្បឿនលឿនហួសកំណត់។
ថ្លែងនៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ៣ ភ្នំពេញ-កំពត ប្រវែងជាង ១៣៤គីឡូម៉ែត្រ នាថ្ងៃពុធ ទី០២ ខែមីនា ឆ្នាំ២០២២ សម្តេចបានឱ្យដឹងថា នៅក្រៅប្រទេសមានករណីបាក់ស្ពានអាកាសមួយ ដែលបណ្តាលមកពីដឹកលើសទំងន់។
ក្រៅពីនេះសម្តេចក៏បានអំពាវនាវកុំឱ្យបើកល្បឿនហួសកំណត់ ខណៈពីរថ្ងៃនេះមិនមានអ្នកស្លាប់ដោយកូវីដទេ ហើយម្សិលមិញតែមួយថ្ងៃមានករណីស្លាប់ដោយសារគ្រោះថ្នាក់ចរាចរណ៍មាន ៧នាក់ និងរបួស ៦នាក់ទៅហើយ៕
